1. Plan “ Green School” (Tur scol ta recycla)

Un di lugarnan cu tin hopi influencia den e formacion di un comunidad ta e scolnan. Si nos hobennan y muchanan ta cuminsa for di un edad jong cu e idea (mentalidad) di recycla, e proceso di un Aruba mas consciente di su medio ambiente lo dura menos. E idea ta pa tur scol for di basis te na universidad cuminsa recycla diferente material. (Anexo 7: Project dossier Green School)

2. Plan Minister Hubenil di Medio Ambiente

E Minister Hubenil lo tin e responsabilidad di percura cu e metanan y otro obhetivonan wordo cumpli. E ta responsabel pa e comunidad especiamente hubentud ta na altura di ki desaroyo ta wordo haci riba e area Medio Ambiental. E lo mester bin cu projectonan pa envolvi hobennan den e proceso di un Aruba mas limpi. E Minister Hubenil tambe lo tin e tarea di avisa e Minister di Medio Ambiente (gobierno) y nos parlamentarionan di precupacionnan of avisonan di nos hubentud.

Plan “Aruba Limpi” (Dia Nacional di Aruba Limpi)

Actualmente tin hopi lugarnan den nos barionan cu ta HOPI sushi. E plan ta pa un biaha pa aña tin un limpiesa nacional unda comunidad ta mas envolvi y cu ta wordo planea door di diferente instancia/ organisacionnan medio ambiental. Nos meta pa logra den 5-10 aña un Aruba Limpi y despues celebra esaki. E dia aki lo hiba e nomber di Dia Nacional di Aruba Limpi.